काठमाडौं। राष्ट्रियसभामा विपक्षीले ल्याएको अविश्वासको प्रस्ताव अस्वीकृत भएपछि पाकिस्तानी प्रधानमन्त्री इमरान खानले देशका नाममा सम्बोधन गर्दै संसद भंग गरेर अब जनताले चुनावको तयारी गर्नुपर्ने बताउनु भएको छ ।
खानले देशवासीका नाममा सम्बोधन गर्दै संसद भंग गरेर फेरि चुनाव गराउन राष्ट्रपतिलाई सिफारिस गरेको जानकारी गराउनु भयो । सम्बोधनमा वहाँले भन्नुभयो– हामी न्यायका लागि जनतामाझ जानेछौँ । आगामी निर्वाचनको तयारी गर्न जनतालाई अपिल गर्दछौं ।
त्यसअघि पाकिस्तानको राष्ट्रियसभाका उपसभामुखले विदेशी षड्यन्त्र भएको आरोप लगाउँदै धारा ५ बमोजिमको अविश्वासको प्रस्ताव खारेज गर्नु भएको थियो । यो सँगै राष्ट्रियसभा २५ अप्रिलसम्मका लागि स्थगित गरिएको थियो । त्यसलगत्तै खानले राष्ट्रपतिलाई राष्ट्रियसभा भंग गर्न सिफारिस गरेका गर्नु भएको हो।