काठमाडौं। चिर प्रतिद्वन्द्वी पाकिस्तानलाई फराकिलो अन्तरले हराउँदै भारतले लगातार दोस्रोपटक एसिया कपको उपाधि जितेको छ।
दुबई अन्तर्राष्ट्रिय क्रिकेट मैदानमा भएको फाइनल खेलमा भारतले पाकिस्तानलाई ५ विकेटले हराउँदै १४७ रनको लक्ष्य १९ ओभर ४ बलमा पूरा गरेको हो। भारतका लागि तिलक बर्माले ६९ रनको अर्धशतकीय पारी खेले, जसमा ५३ बलमा ३ चौका र ४ छक्का समावेश थियो। त्यसैगरी शुभम दुवेले ३३ रन र सन्जु श्यामसनले २४ रनको योगदान गरे।
पाकिस्तानका बलरमध्ये फाइम अस्रफले विकेट लिए भने शाहिन शाह अफ्रिदी र अब्रार अहमदले एक–एक विकेट लिए। पहिले ब्याटिङ गरेको पाकिस्तानले १९ ओभर १ बलमा सम्पूर्ण विकेट गुमाउँदै १४६ रन मात्र बनायो। सहिबजादा फ्रहानले ५७ रनको अर्धशतकीय पारी खेले, फकर जमानले ४६ रन बनाए, र साइम अैयुवले १४ रन जोडे। अन्य ब्याटरले दोहोरो अंकमा रन जोड्न सकेनन्।
बलिङतर्फ भारतका लागि कुलदीप यादवले सर्वाधिक चार विकेट लिए। जसप्रित भुमराह, वरुण चक्रवर्ती र अक्षर पटेलले दुई–दुई विकेट लिए।
यसअघि सन् २०२३ मा एक दिवसीय प्रणालीमा श्रीलंकालाई हराउँदै उपाधि जितेको भारतले यसपटक चिर प्रतिद्वन्द्वी पाकिस्तानलाई पराजित गर्दै एसिया कपको उपाधि आफ्नो नाममा गर्यो।