काठमाडौं । नेकपा एकीकृत समाजवादीले पार्टी प्रधानमन्त्री केपी ओली नेतृत्वको सरकारले जनताको पक्षमा राम्रो काम गर्न नसकेको निष्कर्ष निकालेको छ ।
आज बसेको सचिवालय बैठकले भ्रष्टाचार र महँगी बढिरहेको भएपनि सरकारको ध्यान त्यता नगएको निष्कर्ष निकालेको प्रवक्ता प्रकाश ज्वालाले बताए ।
उनले भने, ‘सरकारले अत्याचार गरेर बजेट ल्याएको छ, लुट मच्याइएको छ । शक्तिशाली नेताहरूको निर्वाचन क्षेत्रमा मात्रै बजेट केन्द्रित गरिएको छ । प्राथमिकता दिनुपर्ने क्षेत्रमा छुट्टाइएको छैन ।’
बैठकले उखु उत्पादक किसानलाई दिने अनुदान रकम रोक्ने निर्णयको विरोध जनाउँदै निरन्तर दिन माग गरेको छ । यस्तै, धान खेती लगाउने बेलामा किसानलाई रासायनिक मलको व्यवस्था गर्न पनि बैठकले माग गरेको छ ।
बैठकले मनसुनी विपद् जोखिम न्यूनीकरण र व्यवस्थापनको लागि पूर्वतयारीमा लाग्न सरकारको ध्यानाकर्षण गराएको छ। बैठक नेताहरूले धारणा राख्ने क्रम जारी छ ।
उनले बैठक भोलि बिहान ८ बजेदेखि निरन्तर बस्ने बताए ।