काठमाडौं । पुर्व प्रधानमन्त्री एवम्पा नेपाली कम्युनिस्ट पार्टी (नेकपा)का नेता झलनाथ खनालले आफ्नो पार्टीलाई ‘नीति प्रधान’ र अन्य कम्युनिस्ट शक्तिबाट भिन्न चरित्रको पार्टी भएको दाबी गरेका छन्।
आइतबार पोखरामा आयोजित एकता सन्देश सभामा बोल्दै उनले नेकपा नीति–केन्द्रित संगठनको रुपमा अघि बढ्ने स्पष्ट गरे।
उनका अनुसार अब गठन भएको नयाँ पार्टी व्यक्तिगत नेतृत्व होइन, सामूहिक निर्णय र वैचारिक मार्गदर्शनमा चल्नेछ। “यो नितान्त फरक कम्युनिस्ट पार्टी हो। हाम्रो पार्टी नीति प्रधान हुनेछ, नेता प्रधान होइन,” उनले भने।
उनले एमालेको आलोचना गर्दै सो पार्टी एकै व्यक्तिको वरिपरि केन्द्रित ‘नेता प्रधान’ संगठनमा रूपान्तरण भएको आरोप समेत लगाए। “एमाले एउटा नेताको वरिपरि मात्र घुमिरहेको पार्टी बन्दै गएको छ। त्यस्तो पार्टीको अधोपतन अवश्य हुन्छ, केही समयको कुरा मात्र हो,” खनालले टिप्पणी गरे।
खनालले आफूहरू सामूहिक नेतृत्वमा आधारित, लोकतान्त्रिक अभ्यास र साझा जिम्मेवारीमा उभिने पार्टी निर्माणमा प्रतिबद्ध रहेको पनि स्पष्ट पारे।