काठमाडौं । अमेरिकाले भिसा आवेदन शुल्क बढाएको छ । अमेरिकाले भिसाको आवेदन शुल्क जुन १७ देखि लागू हुने गरी बढाएको हो ।
गैरआप्रवासी भिसा आवेदन शुल्क १६० डलर थियो । त्यो भिसा आवेदन शुल्क १८५ डलर कायम गरिएको नेपालस्थित अमेरिकी दूतावासले जनाएको छ ।
दूतावासका अनुसार पेटिसनमा आधारित भिसा शुल्क १९० डलरबाट वृद्धि भई २०५ कायम हुनेछन् । ई भिसा आवेदन शुल्क २०५ डलरबाट ३१५ डलर पुर्याइएको छ ।
भिसा शुल्क सेवाको लागत सम्बन्धी वार्षिक अध्ययनको नतिजाको आधारमा निर्धारण गरिएको समेत दूतावासले जानकारी गराएको छ ।