काठमाडौं। साप्ताहिक कारोबारको पाचौं दिन आज बिहीबार नेपाली बजारमा सुनको मूल्य तोलामा ४०० रुपैयाँले घटेको छ।
नेपाल सुनचाँदी व्यवसायी महासंघका अनुसार बिहीबार नेपाली बजारमा छापावाल सुनको मूल्य प्रतितोला ९३ हजार २०० रुपैयाँ कायम भएको छ। यस्तै, तेजाबी सुनको मूल्य प्रतितोला ९२ हजार ७०० रुपैयाँ कायम भएको छ। यसअघि बुधबार छापावाल सुन प्रतितोला ९३ हजार ६०० रुपैयाँमा किनबेच भएको थियो। यस्तै, तेजाबी सुन प्रतितोला ९३ हजार १०० रुपैयाँमा किनबेच भएको थियो।
बिहीबार चाँदीको मूल्य पनि घटेको छ। महासंघका अनुसार बुधबार चाँदीको मूल्य तोलामा १० रुपैयाँ घटेर प्रतितोला १ हजार २१५ रुपैयाँ कायम भएको छ। यसअघि बुधबार चाँदी प्रतितोला १ हजार २२५ रुपैयाँमा किनबेच भएको थियो।