काठमाडौं। राष्ट्रपति विद्यादेवी भण्डारी र चिनियाँ विदेशमन्त्रि एवम् स्टेट काउन्सिलर वाङ यी बिच भेटवार्ता भएको छ। तीनदिने नेपाल भ्रमणमा रहनु भएको वाङले आइतवार बिहान राष्ट्रपति निवासमा भण्डारीसँग शिष्टाचार भेट गर्नुभएको हो। भेटका क्रममा चीन र नेपालको द्विपक्षीय सम्बन्ध र हितका बारेमा कुराकानी भएको थियो।
आजै वाङले नेपाल कम्युनिष्ट पार्टी माओवादी केन्द्रका अध्यक्ष पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीसँग भेट गर्ने कार्यक्रम छ।
शनिवार वाङले प्रधानमन्त्री शेरबहादुर देउवासँग शिष्टाचार भेट गर्नुभएको थियो। यस्तै, नेपाली समकक्षी नारायण खड्कासँग छलफल पछि ९ वटा समझदारी पत्रमा दुई देशले हस्ताक्षर गरेका थिए।