काठमाडौं । हमास लडाकु समुहले पछिल्लो दुई दिनमा ४१ जना बन्धक रिहा गरेको छ । इजरायल र हमासबिचको चार दिने युद्धविराम सुरु भएसँगै हमासले बन्धक रिहा गरेको हो । बदलामा इजरायलले पनि आफ्नो देशका कारागारमा रहेका प्यालेस्टाइनी बन्दीहरु छाडेको छ ।
अमेरिकी समाचार संस्था सि.एन.एन.का अनुसार हमास लडाकुले शनिबार १३ जना इजरायली तथा चार जना थाइ नागरिकलाई रिहा गरेको छ ।
शुक्रवार हमासले १३ जना इजरायली, १० जना थाई तथा एक जना फिलिपिनी बन्धकलाई छाडेको थियो । दुई दिनमा हमासले २६ इजरायली, १४ थाई तथा एक जना फिलिपिनोलाई रिहा गरेको छ ।
इजरायलले पनि दुई चरणमा ७८ जना प्यालेस्टाइनी बन्धकलाई रिहा गरेको छ । इजिप्ट र कतारको मध्यस्थतामा भएको समझौता अनुसार हमास लडाकुले चार दिनमा ५० इजरायली बन्धकलाई छाड्नेछ भने इजरायलले पनि १ सय ५० प्यालेस्टाइनी कैदीबन्दीलाई रिहा गर्नेछ ।
यसबाहेक थाइल्याण्ड सरकारले पनि कतार र इजिप्टको सहयोगमा हमाससँग अलग्गै वार्ता गरेर आफ्ना नागरिकहरुलाई रिहा गराइरहेको छ