पश्चिम नेपाल बस व्यवसायी प्रा.लि.मा दधिराम खरेल नेतृत्वको प्यालनका उम्मेवार विजयी भएका छन् । शनिबार सम्पन्न निर्वाचनको मत परिणाम अनुसार ११ सदस्य सञ्चालक समितिमा खरेलले नेतृत्व गरेको प्यानलका उम्मेद्वार विजयी भएका हुन् ।
उक्त प्यानलबाट टिमको नेतृत्व गर्नुभएका खरेलले १ हजार ४३६ मतसहित विजयी हुनु भएको छ । त्यसैगरी अन्य सञ्चालकमा १ हजार २८३ मत सहित रामचन्द्र खड्का, १ हजार ३३१ मत सहित जितेन्द्र खत्री, १ हजार २५१ मत सहित नारायणप्रसाद भण्डारी, १ हजार २६३ मत सहित नारायणप्रसाद घिमिरे, १ हजार ३८६ मत सहित गोपालबहादुर पौडेल निर्वाचित हुनु भएको छ ।
त्यस्तै १ हजार ३२६ मत सहित चेत नारायण बेल्वासे (गोली नारायण), १ हजार ४६७ मत सहित रामचन्द्र भुसाल, १ हजार ३८४ मत सहित सुरेन्द्र श्रेष्ठ, १ हजार ४४० मत सहित मोहन पिएस र १ हजार ३४७ मत सहित जीवनकुमार बन्जाडे विजयी हुनु भएको निर्वाचन समितिका संयोजक नेपाल पत्रकार महासंघ रुपन्देहीका अध्यक्ष रामराज पोखरेलले जानकारी गराउनु भयो ।
आगामी ४ वर्षे कार्यकालको नेतृत्व लिनको लागि बुटवल उपमहानगरपालिका वडा नं. ७ का वडा अध्यक्ष पदमबहादुर गाहाको नेतृत्वमा अर्को प्यानल प्रतिस्पर्धामा थियो । त्यस्तै १६ वटा रुट मध्ये ११ वटा रुटमा निर्वाचन भएको छ भने बाँकी ५ वटा रुटमा निर्विरोध भएको छ ।
निर्वाचन भएको रुट नं. ४ मा २५ मत सहित थमनबहादुर बस्नेत, रुट नं. ५ मा ४८ मत सहित कमलबहादुर क्षेत्री, रुट नं. ६ मा ७२ मत सहित रामभगत चौधरी, रुट नं. ७ मा ७० मत सहित शंकर ज्ञवाली, रुट नं. ९ मा १ सय मत सहित हिमाल श्रेष्ठ, रुट नं. १० मा ७० मत सहित युवराज नेपाल, रुट नं. ११ मा ६४ मत सहित सुर्यप्रकाश ढुंगाना, रुट नं. १२ मा १ सय मत सहित मनबहादुर पौडेल, रुट नं. १३ मा ८१ मत सहित टेकराज भट्टराई, रुट नं. १४ मा ८० मत सहित डोरनाथ ढकाल र रुट नं. १५ मा १४१ मत सहित प्रकाश वञ्जाडे निर्वाचित हुनु भएको हो ।
निर्विरोध भएको रुट नं. १, २, ३, ८ र १६ मा निर्विरोध भएको हो । रुट नं. १ मा जीवन रेग्मी, २ मा विधानराज श्रेष्ठ, ३ मा विजयीकुमार तिवारी, रुट नं. ८ मा सागर पिएस र रुट नं. १६ मा लिलाधर खनाल निर्विरोध निर्वाचित हुनु भएको निर्वाचन समितिले जानकारी गराएको छ ।
नेपालकै ठूलो यातायात व्यवसायीहरुको संस्था पश्चिम नेपाल बस व्यवसायी प्रा.लि.को नेतृत्वका लागि दुई प्यानल चुनावी मैदानमा उत्रिएका छन् । ११ सदस्य सञ्चालक समितिको लागि शनिबार निर्वाचनको कार्यक्रम तय गरिएको छ ।
जसमा मौजुदा समितिका अध्यक्ष दधिराम खरेल र अर्का व्यवसायी बुटवल उपमहानगरपालिका वडा नं. ७ का वडा अध्यक्ष पदमराज गाहाको नेतृत्वमा दुई प्यानल चुनावी मैदानमा उत्रिएको हो ।
खरेल नेतृत्वको संयुक्त व्यवसायी प्यानलबाट सञ्चालन समितिको सदस्य पदमा रामचन्द्र खड्का, जितेन्द्र खत्री, नारायणप्रसाद भण्डारी, नारायणप्रसाद घिमिरे, गोपालबहादुर पौडेल, चेतनारायण वेलवासे, सुरेन्द्र श्रेष्ठ, मोहन पिएस र जीवनकुमार वञ्जाडेलाई अगाडि सारिएको छ ।
गाहा नेतृत्वको समावेशी व्यवसायी प्यानलबाट सञ्चालक समितिको सदस्यमा कृष्णप्रसाद पाण्डे, रमेशप्रसाद अधिकारी, महेशकुमार कोईराला, मोतिकुमार उपाध्याय पौडेल, कुस्माखर रेग्मी, प्रेम गौचन, मञ्जुकुमारी गाहा, ऋषिराम पाठक, नारायण अधिकारी र राजेश लामालाई अगाडि सारिएको छ ।
