काठमाडौं। १२ औं नेपाली टोपी दिवस विविध कार्यक्रमसहित मनाइएको छ। जागरुक युवा अभियान नेपालको आयोजनामा बुधबार काठमाडौंको वसन्तपुरमा एक विशेष कार्यक्रम गरेर यो दिवस मनाइएको हो।
‘नेपाली टोपी लगाऔं: पहिचान जागाऔं’ भन्ने नाराका साथ यस वर्षको नेपाली टोपी दिवस मनाइएको छ। दौरा सुरुवाल, टोपी र गुन्युचोलोलाई तत्कालीन सरकारले राष्ट्रिय पोशाकको सूचीबाट हटाएको विरोधमा यो अभियानले नेपाली टोपी (ढाका टोपी र भादगाउँले टोपी) लाई राष्ट्रिय पहिचानका रूपमा मान्यता दिन माग गर्दै टोपी दिवसको आयोजना गर्दै आएको छ।
उनीहरुले ढाकाटोपी र भाद्गाउँले टोपीलाई राष्ट्रिय पहिचानका रुपमा घोषणा गर्न सरकारसँग माग समेत गरेका छन् । उनीहरुले नेपाली टोपी लगाऔँ, पहिचान बढाऔँ, हाम्रो राष्ट्रिय पहिचान खै, विश्वको पहिचान पढौँ, नेपाली पहिचान तोकौँ, सामुदायिक टोपीको सम्मान, तपाईं हाम्रो अभियान जस्ता नारा लेखिएका प्लेकार्ड बोकेर प्रदर्शन गरेका थिए ।
