काठमाडौं । नेपाली बजारमा आज (शुक्रबार) सुनको मूल्यमा सामान्य गिरावट आएको छ ।
नेपाल सुनचाँदी व्यवसायी महासंघका अनुसार आज सुन प्रतितोला ४०० रुपैयाँले घटेको हो । यसअघिका लगातार तीन दिनमा पाँच हजार सातसय रुपैयाँले बढेको सुनको मूल्यमा आज भने सामान्य गिरावट आएको हो ।
हिजो बिहिबार १ लाख ६८ हजार ५०० रुपैयाँमा कारोबार भएको सुनको मूल्य आज घटेर १ लाख ६८ हजार १०० रुपैयाँ कायम भएको महासंघले जनाएको छ ।
सुनको मूल्य घट्दा आज चाँदीको मूल्य भने ५ रुपैयाँले बढेको छ । बिहिबार १ हजार ९८० रुपैयाँमा कारोबार भएको चाँदीको मूल्य शुक्रबार १ हजार ९८५ रुपैयाँ कायम भएको छ ।