अमेरिकामा ‘अन्तर्राष्ट्रिय पत्रकार महासंघ’ (FIJA) को स्थापना

वासिङ्टन डीसी, अमेरिका | गत महिनामा अमेरिकामा अन्तर्राष्ट्रिय पत्रकार महासंघ, अमेरिका (FIJA) को स्थापना गरिएको छ। यो महासंघ स्वतन्त्र, साझा र छाता संगठन हो, जसले पेशागत पत्रकारहरूलाई समेट्ने लक्ष्य लिएको छ।

अमेरिकाको प्रचलित कानुनअनुसार स्थापना भएको FIJA को मुख्यालय भर्जिनिया, अमेरिकामा रहनेछ। साथै, महासंघले अन्य विभिन्न देशहरूमा शाखा स्थापना गर्ने तयारी गरिरहेको छ।

FIJA का सल्लाहकारहरू

महासंघका सल्लाहकारहरूमा कान्तिपुर राष्ट्रिय दैनिकका संस्थापक प्रधान सम्पादक तथा वरिष्ठ पत्रकार योगेश उपाध्याय, हिमालय टाइम्स राष्ट्रिय दैनिकका प्रधान सम्पादक प्रा. पुरुषोत्तम दाहाल, नेपालवाणी, राष्ट्रपुकार तथा RSS (राष्ट्रिय समाचार समिति) का पूर्व प्रधान सम्पादक एवं पूर्व अध्यक्ष तथा महाप्रबन्धक डा. बालकृष्ण चापागाईं, गोरखापत्र संस्थानका पूर्व अध्यक्ष एवं RSS का पूर्व अध्यक्ष, वरिष्ठ पत्रकार पुरु घिमिरे, तथा हिमालय खबरका प्रधान सम्पादक विजय घिमिरे रहेका छन्।

FIJA को नयाँ कार्यसमिति

महासंघको नयाँ कार्यसमितिले वरिष्ठ पत्रकार, गायक तथा कलाकार रामप्रसाद खनाललाई सर्वसम्मत रूपमा अध्यक्ष निर्वाचित गरेको छ। खनाल Mother.com का प्रधान सम्पादक, Avenues खबर टेलिभिजनका अमेरिका सम्पादक तथा नेपाल टेलिभिजन, रेडियो नेपाल, विभिन्न राष्ट्रिय पत्रपत्रिका र अन्य सञ्चारमाध्यममा लामो अनुभव भएका पत्रकार हुन्।

FIJA का पदाधिकारीहरू

उपाध्यक्षहरू:

अखण्ड भण्डारी – अन्नपूर्ण राष्ट्रिय दैनिकका प्रधान सम्पादक
जीवन भण्डारी – योहो टेलिभिजन प्रमुख
केदार कोईराला – एभिन्यूज खबर टिभीका समाचार प्रमुख
टंक पन्त – नेपाल समाचारपत्रका पूर्व सम्पादक, जनता टिभीका समाचार प्रमुख
सतीश चापागाईं – नेपाली डायस्पोरा पत्रिकाका प्रधान सम्पादक

महासचिव:

टंक दाहाल – स्वतन्त्र पत्रकार तथा अनुसन्धानमूलक पत्रकारिता क्षेत्रमा अनुभवी, माइक्रोसफ्टका सफ्टवेयर इन्जिनियर

सचिव:

अनिल अधिकारी – विभिन्न राष्ट्रिय दैनिक, अनलाइन, स्वतन्त्र पत्रकारिता क्षेत्रमा सक्रिय

कोषाध्यक्ष:

अर्जुन दाहाल – डीसी नेपालका अमेरिका ब्यूरो प्रमुख तथा कलाकार

कार्यसमिति सदस्यहरू

वरिष्ठ पत्रकार विश्वराज थापा (EnePlease.com का प्रधान सम्पादक)
वरिष्ठ पत्रकार नवराज कुँवर (Asian-Ocean Computing Industry Organization का उपाध्यक्ष)
वरिष्ठ पत्रकार दिनेश कार्की
वरिष्ठ पत्रकार कृष्णराज खनाल (गोरखापत्रका सहायक सम्पादक)
वरिष्ठ पत्रकार अनिल थापा (क्यानडामा २० वर्षदेखि Namaste Radio सञ्चालन गर्दै)
सुमन दाहाल (फिल्म तथा कला पत्रकारिता क्षेत्रमा अनुभवी)
सुरेन्द्र सापकोटा (अस्ट्रेलियाबाट लामो समयदेखि पत्रकारितामा संलग्न)

FIJA को अन्तर्राष्ट्रिय विस्तार

महासंघमा नेपाली पत्रकार मात्र नभई अन्य मुलुकका पेशागत पत्रकारहरूले पनि सदस्यता लिन सक्ने व्यवस्था गरिएको छ। छिट्टै नेपाल, बेलायत, अस्ट्रेलिया, जापान, क्यानडा लगायतका देशहरूमा FIJA शाखाहरू खोलिने योजना छ।

FIJA सम्बन्धी थप जानकारी र सदस्यता लिन इच्छुक पत्रकारहरूले [email protected] मा सम्पर्क गर्न सक्नेछन्। महासंघका गतिविधिहरू यसको आधिकारिक वेबसाइटमा पनि समावेश गरिनेछ।