एजेन्सी । हमासले इजरायली–अमेरिकी नागरिक एडन अलेक्ज्यान्डरलाई रिहा गरेको छ । १९ महिनाअघि बन्धक बनाइएका उनलाई सोमबार राति गाजा सिटीको खान युनिस क्षेत्रबाट रिहा गरिएको हो ।
२१ वर्षीय अलेक्ज्यान्डर अमेरिकाबाट आएर इजरायली सेनामा भर्ना भएका व्यक्ति हुन् । उनी २०२३ को अक्टोबर ७ मा हमासको आक्रमणताका अपहरणमा परेका थिए ।
अलेक्ज्यान्डर गाजामा हमासद्वारा बन्धक बनाइएका अन्तिम जीवित अमेरिकी नागरिक हुन् । उनको रिहाइसँगै ५८ अपहृतमध्ये २३ जना जीवित रहेको अनुमान गरिएको छ ।