काठमाडौं । युक्रेनमा रुसले आक्रमण गरेको दुई महिनाभन्दा बढी भइसकेको छ। यसै क्रममा संयुक्त राष्ट्रसंघका महासचिव एन्टोनियो गुटेरेसले पहिलो पटक युक्रेनको भ्रमण गरेका छन्।
गुटेरेस युक्रेनको राजधानी किभमा रहँदा रकेट आक्रमण पनि भएको थियो। आफ्नो भ्रमणका क्रममा गुटेरेसले सुरक्षा परिषद्को पनि आलोचना गरेका छन्। रूस संयुक्त राष्ट्र सुरक्षा परिषदको पाँच स्थायी सदस्यहरू मध्ये एक हो र यस मुद्दामा एक पटक भन्दा बढी आफ्नो भिटो शक्ति प्रयोग गरेको उहाँको भनाई रहेको थियो।
एन्टोनियो गुटेरेसले युक्रेनमा युद्ध रोक्न र अहिले युद्ध अन्त्य गर्न काउन्सिल असफल भएको उहाँले बताउनुभयो । उनले भने, ‘म यो स्पष्टसँग भन्न चाहन्छु कि यो युद्धबाट बच्ने र आफ्नो क्षमता अनुसार अन्त्य गर्ने प्रयासमा पूर्ण रूपमा असफल भएको छ।’
संयुक्त राष्ट्र सुरक्षा परिषद् विशेष गरी विश्व शान्ति र सुरक्षाको लागि हो, तर युक्रेन संकटको मामलामा यो पूर्ण रूपमा असफल भएको छ । फेब्रुअरीमा युक्रेनमा सुरु भएको युद्ध रोक्न नसकेको भन्दै आलोचना पनि भएको छ । युक्रेन सरकारले समेत यसको निन्दा गरेको छ।