काठमाडौं। बालुवाटारस्थित सुनौलो परिवार नेपाल रहेको भवनमा लागेको आगो करिब तीन घन्टापछि नियन्त्रणमा आएको छ। चिनियाँ दूतावास अघिल्तिर सुनौलो परिवार नेपाल रहेको भवनमा आज बिहान साढे ६ बजे आगो लागेको थियो ।
काठमाण्डुको बालुवाटारस्थित सुनौलो परिवार कार्यालयको भवनमा रहेको औषधी गोदाममा लागेको आगो नेपाली सेना,नेपाल प्रहरी, सशस्त्र प्रहरी र स्थानीयले दमकल प्रयोग गरेर नियन्त्रणमा लिइएको हो । आगो निभाउन नेपाल प्रहरीको वटर क्यानोन, तीन ओटा दमकल र दुई ओटा पानी ट्याङकर प्रयोग गरिएको थियो ।
आगलागीबाट भएको क्षतिको विवरण आउन बाँकी रहेको जिल्ला प्रहरी परिसर काठमाडौंका एसपी दिनेश मैनालीले जानकारी दिनुभयो ।आगलागी के कारणले भएको भन्ने खुलेको छैन।