काठमाडौं । निर्वाचन आयोगले मंसिर ४ गते हुने आम निर्वाचनको कार्यतालिका स्वीकृत गरेको छ । जसअनुसार असोज ११ गते निर्वाचन अधिकृत नियुक्ति गरिनेछ भने असोज २१ गते कार्यालय स्थापना र असोज २३ गते मनोनयन गर्दाको कार्यक्रम तय गरिएको छ ।
यस्तै अन्तिम नामावली प्रकाशन असोज २६ गते प्रकाशन हुनेछ । त्यसैको आधारमा असोज २८ देखि मतपत्र छपाइ गर्ने तय गरिएको आयोग स्रोतले जनाएको छ । मतपत्र छाप्नमात्रै एक महिना लाग्नेगरी आयोगले कार्यतालिका बनाएको छ। आयोगका अनुसार मङ्सिर १ गते राति १२ बजेदेखि प्रचारप्रसारमा रोक लगाइने छ । मङ्सिर ४ गते बिहान सात बजेदेखि ५ बजेसम्म मतदान हुनेछ ।