काठमाडौं । काठमाडौं विश्वविद्यालयमा अख्तियार दुरुपयोग अनुसन्धान आयोगले मेडिकलका विद्यार्थी भर्ना कार्यक्रममा आर्थिक अनियमितता भएको उजुरीका आधारमा छापा मारेको छ ।
विश्वविद्यालयले एमबीबीएस अध्ययनरत विद्यार्थीसँग तोकिएभन्दा बढी रकम लिएको भन्ने विषयमा अख्तियारमा धेरैवटा उजुरी परेको थियो । उजुरीका आधारमा अख्तियारको टोली काठमाडौं विश्वविद्यालय पुगेको हो । टोलिले महत्त्वपूर्ण कागजपत्र नियन्त्रणमा लिएको छ । यसबारे थप अनुसन्धान भइरहेको बताइएको छ ।