काठमाडौं । काठमाडौंको कलंकीमा कार अनियन्त्रित भएर दुर्घटना हुँदा ६ जना घाइते भएका छन् ।
कालीमाटीबाट कलंकी चोकतिर जाँदै गरेको बा ५ च ५४४० नम्बरको कारले अनियन्त्रित भएर रोकेर राखेको स्कुटर र मोटरसाइकललाई ठक्कर दिएको महानगरीय ट्राफिक प्रहरी महाशाखा एसपी संजीव शर्माले बताउनुभयाे ।
दुर्घटनामा परेर कार चालकसहित ६ जना घाइते भएका छन् । कार चालकको बल्खुस्थित वयोधा अस्पतालमा र अन्य घाइतेको कलंकीस्थित शहीद मेमोरियल अस्पतालमा उपचार भइरहेको प्रहरीले जनाएकाे छ।