काठमाडौं । नेपालमा हालसम्म डेंगु संक्रमणबाट २७ जनाकाे ज्यान गएकाे छ । इपिडिमियोलोजी तथा रोग नियन्त्रण महाशाखाले दिएकाे तथ्यांकानुसार गत असारदेखि हालसम्म डेंगुका कारण २७ जनाकाे ज्यान गएकाे हाे ।
काठमाडाैं उपत्यकासहित देशभर हाल डेंगु तीव्र रूपमा फैलिरहेकाे छ । महाशाखाका अनुसार हालसम्म संक्रमितको संख्या २१ हजार ३५२ पुगेकाे छ । तीन वर्ष अगाडि १७ हजार बढीमा डेंगु संक्रमण भएकाे थियाे ।
यो अवधिमा सबैभन्दा धेरै काठमाडौंमा ६ हजार ५५५ जनामा संक्रमण पुष्टि भएको छ । ललितपुरमा पाँच हजार २१८ र भक्तपुरमा ८८१ गरी उपत्यकामा डेंगी संक्रमितको संख्या १२ हजार ६५४ पुगेको छ ।
महवानपुर, काभ्रे, धादिङ लगायतका जिल्लामा पनि डेंगु संक्रमण तीव्र रूपमा फैलिइरहेकाे छ ।