काठमाडौं । ललितपुरको भैंसेपाटीस्थित एक स्कुलको होस्टलमा एक जना विद्यार्थी शनिबार मृत भेटिएका छन् ।
ललितपुर महानगरपालिका २५ भैंसेपाटी आवास क्षेत्रस्थित डिएमआई वाइबल स्कुलको होस्टेलमा बसेर अध्ययन गर्ने मोरङ घर भएका २० वर्षीय सकलु मर्डी होस्टेलमै मृत भेटिएका हुन् ।
घटनाबारे अनुसन्धान अघि बढाइएको जिल्ला प्रहरी परिसर ललितपुरका एसपी तथा प्रवक्ता नरेशराज सुवेदीले जानकारी दिए । यसैगरी ललितपुर महानगरपालिका १० कुपोण्डोलस्थित वाग्मती करिडोरको डिलमा हाल नाम, थर, वतन नखुलेका अन्दाजी ३५ वर्षीय पुरुष मृत अवस्थामा फेला परेका छन् । उनको सनाखत हुन बाँकी नै रहेको छ ।